Am achti uf em Perron, tüemer scho echli früre,
mer sind drum froh gönd zu d’Wage Türe.
Au z’Mellige no kein blaue Himmel in Sicht,
drum tüemer K+G echli verlängere bis d’Sunne durebricht.
Guet gstärkt gahts ändlich los mit em wandere,
entlang de Reuss, wo stark tuet mäandere.
Im Restaurant händs gseit, mer müesed uf d’Biber achte.
De Biber isch leider nachtaktiv, Tageswanderer tuet er verachte.
Nach enere Stund durchs Waldreservat Risi glanged mer zum Chloster Gnadenthal,
det häts en Künstler wo alles macht vom Fisch bis zum Marterpfahl.
Eusi Pfadfinder gönd vorus und bringed am Picknickplatz es Füür zum bränne,
damit d’Gruppe chan ihri Würst erhitze und nöd müend gränne.
Servelat und Sandwich nur chalt,
dafür simmer halt scho echli z’alt.
Nach em Mittagshalt nämed mer de Rest under d’Füess.
Es hät Stelle mit fiinstem Sand, wo mer im Summer es Bad nä müess.
Bi de Fähre in Sulz, sie Fahrt erst ab Mai und nöd under der Wuche,
mir blibed drum uf de linke Site vom Fluss, ich träum,
mer gsend tatsächlich no am Biber sini gfällte Bäum.
Mit Sand a de Schue landet mer a de Riviera im Bijou vo Bremgarte,
um bi mene chüele Getränk uf de Bus nach Züri z’warte

Hamy und Agnes viele Dank.